HomeOld_PostsEzombusazwe kumnyaka ka2014

Ezombusazwe kumnyaka ka2014

Published on

Ilotshwe yatolikelwa nguPatience Rusare

Umnyaka ka2014 uzakhunjulwa kakhulu kwezombusazwe ngoba ube umumethe okunengi.
Ngumnyaka ozakuthukwa ngabanye abaphatheke kwezombusazwe kuthi kunengi ngumnyaka obe umumethe inthuthuko kwezombusazwe.
Okulandelayo ngokunye okwenzakala kwelakithi.
Indaba zemiholo
Ibandla leZANU PF lalinqobe kukhetho luka Ntulikazi 31 mnyakenye, lokhu kwagqiba uhulumende womanyano.
Umuntu wonke weZANU PF wayelenjabulo ngoba babesebenze gadalala.
Ngakhoke kwathi kuqala indaba zokuthi kulabantu abahola izigidi lezigidi, babesithi kukhangelane labamabhizimusi kuphela.
Kwaxotshwa uHappison Muchechetere owe ZBC, kwalandela uCuthbert Dube owe PSMAS, kwapinda kwaxotshwa njalo uGrace Pfumbidzai owe Air Zimbabwe labanye abanengi.
Ngaphambilini babengabantu okuthwa ababambeki bangenza yini abayifunayo kodwa konke lokhu kwatshintsha ngokuphazima kweso.
Sasesidlulile leso sikhathi.
Ngesikhathi owayengumphathintambo uWebster Shamu lowayengumabhalane uMunesu Munodawafa bakhonjwa kundaba zokuhola izimali, kwakumele kube yisiboniso ukuthi okuzaya kukhulu.
Kodwa abakubonanga lokhu.
Kwasekusele amalanga ambalwa ukuthi kukhombe abanengi ngomunwe.
Ngaphetsheya
NgoZibandlela kumbuthano wamatshumi amabili lambili wenhlanganiso yeAfrica Union, umongameli wakuleli uRobert Mugabe wakhethwa ukuthi abe ngumsekeli kamgcinisihlalo walinhlanganiso.
Lokhu kuzenza umongameli abe ngugcinisihlalo kumnyaka olandelayo.
Kwathi phakathi komnyaka uMongameli waphinda njalo wagqoka eyinye ingowane yokuba ngugcinisihlalo wenhlanganiso yeSADC ethatha lesi sikhundla kumongameli weMalawi uPter Mutharika.
Ngokwedlulisa kwalokhu amazwe eningizimu yeAfrica athi gqwaqa ebuthana edolobheni leVictoria Falls.
Izivumelwano zamabhazimusi lamazwe eChina leRussia
NgoNcwabakazi umthwakazi wavuka esizwa indaba ezimnandi ezokuthi umongameli uRobert Mugabe leqembu lakhe lalihlele izivumelwano zamabhizimusi ambalwa leChina azakuthuthukisa ilizwe.
Amabhizimusi la, amanye ngaseqalile azakuguqula ugetsi, imigqwaqo, ololiwe, ezokulima lezokuthekelela.
Ilizwe lisaginya amathe, ilizwe laphinda njalo lahlela isivumelwano samabhiliyoni amathathu okugejwa kwepulatinamu eDarwendale lelilzwe leRussia.
Izwekazi leEurope leMelika ngemva kokwehlula ukuguqula uhulumende wakuleli, baquqa ngokwesaba.
Ilizwe abalithanda kakhulu laseliphunyukile ezandleni zabo.
Ngakhoke bagijigijima.
Ukukhitshwa kwezibopho zenotho
Ngemva kokubona ukuthi ilizwe leZimbabwe selikhumisana umlotha leRussia leChina kakhulu, inhlanganiso yeEuropean Union eyayisilileminyeka elitshumi lane ibophe inotho yelizwe, yabona kufanele ukuthi ikhiphe izibopho zenotho.
Ngoba isivuma ukuthi ngempela izwekazi labo laselisalela kwezokuthuthukisa inotho kweleZimbabwe, kodwa mhlaka Lwezi 1 bakhipha izibopho zenotho, batshiya umongameli lonkosikazi wakhe.
Lokhu kwenza abantu bathandabuza ukuzinikela kweEurope.
Kwangena uNkosikazi Grace Mugabe kwezombusazwe
Kwasokulempethu eyayingene kubandla leZANU PF iqale ngesikhathi sombuthano wabasakhulayo kanye labagcinisihlalo bamaprovince lamadistricts.
Impethu le yayibhidliza ibandla ngokwedlulisa kwekuthenga abantu, ubugwelegwele kanye lokulwela umbuso.
Imilayo yebandla yayisilahlekile sokubusa imali yokuthenga ukhetho.
Kodwa konke lokhu kwatshintshwa ngesivumnelwano sabafazi kumbuthano wabo lapho abakhetha unkosikazi Grace Mugabe ukuthi abakhokhele.
Ngemva kokukhethwa ukuthi akhokhele abesifazane, uNkosikazi Mugabe wabhodha ilizwe lonke ehlangana labantu.
Wayengakhekhelezi wayekhuluma iqiniso njengokuba.
UNkosikazi Mugabe watshela ilizwe ukuthi owayengumsekeli kamongameli welizwe uJoice Mujuru wayekhokhela iqembu labantu ababefuna ukukhipha umongameli wakuleli uRobert Mugabe esihlalweni.
Ngemva kokuzwa lokhu umthwakazi wabalolaka wavukela bonke ababekonjwa ukuthi bayingxenye yaleliqembu.
Okwenza abantu abanjengo Joice Mujuru labangane bakhe uDidymus Mutasa, Ray Kaukonde, Nicholas Goche, Dzikamai Mavhaire loWebster Shamu behluleka ukukhethwa ukuthi babeyingxenye yabakhokheli benhlanganiso yeZANU PF.
Bonke ababekhonjwa ukuba yingxenye yaleliqembu bakhitshwa .
Kwathi uRugare Gumbo loJabulani Sibanda baxotshwa
Umbuthano weZANU PF
Umbuthano we ZANU PF owesithupha ube yindaba enkulu kwezombusazwe kwelakithi.
Itshiye ibandla leZANU PF lilabantu abazinikela ukusebenzela ilizwe ukuze bagcwalise izithembiso zebandla zika 2013.
Ugatsha lwepolitburo lwachiphiswa kuthi bonke ababefuna ukukhipha umongameli welizwe bakhitshwa bonke.
UCde Emmerson Mnangagwa loPhelekezela Mphoko bakhethwa ukuba ngabasekeli bakamongameli.
Umongameli waxotsha umsekeli wakhe labaphathintambo abayisikhombisa.
Lokhu kutshengisa ukuthi ilizwe lizimisele ukuqeda ubugwelegwele lamavila.
Laba kubalisa uFrancis Nhema, uWebster Shamu, uDidymus Mutasa, uOlivia Muchena, uNicholas Goche, uSimbaneuta Mudarikwa, uDzikamai Mavhaire lomsekeli wakhe uMunacho Mutezo.
Endaweni zabo umongameli waphakamisa uSamuel Undenge lomsekeli wakhe uTsitsi Muzenda, uSupa Mandiwanzira, uOppah Muchinguri, uPriscilla Mupfumira, lo Joel Biggie Matiza.
Umongameli waphinda njalo waphakamisa uMonica Mutsvangwa kanye lomkakhe uChristopher Mutsvangwa loSimon Khaya Moyo.
Sithi kuqembu elitsha silifisela iminyaka emihlanu egcwele intuthuko.
Ukubhidlika kweMDC-T
Lumnyaka ube ufana lomnyaka ophelileyo.
Ngemva kokunqotshwa kukhetho luka2013, inkinga zomkhokheli webandla leMDC-T ziyanda.
Okwenza izinto zaba manzonzo yikuqephuka kwalelibandla, ngemva kokuba uTendai Biti labanye betshiya i MDC-T baqala ibandla labo.
Lokhu kwenza ibandla labhidlika njalo lalahlekewa ngabakwamanye amazwe ababebasekela ngemali.
Umbuthano wabo okaMfumfu asikhulumi ngawo, kwakungani owuzange ubekhona..
Ngempela mpela akula okunengi okokukhuluma mayelana leMDC-T.
Indaba le ithethwe ku The Patriot yamhlaka Mpalakazi 19- Zibandlela 8 2015.

LEAVE A REPLY

Please enter your comment!
Please enter your name here

Latest articles

Kariba Municipality commits to President’s service delivery blueprint

By Kundai Marunya IT is rare to find opposition-controlled urban councils throwing their weight on...

The resurgence of Theileriosis in 2024 

THE issues of global changes, climate change and tick-borne diseases cannot be ignored, given...

Britain haunted by its hostile policy on Zimbabwe

TWO critical lessons drawn from the recent debate on Zimbabwe in the British House...

The contentious issue of race

 By Nthungo YaAfrika AS much as Africans would want to have closure to many of...

More like this

Kariba Municipality commits to President’s service delivery blueprint

By Kundai Marunya IT is rare to find opposition-controlled urban councils throwing their weight on...

The resurgence of Theileriosis in 2024 

THE issues of global changes, climate change and tick-borne diseases cannot be ignored, given...

Britain haunted by its hostile policy on Zimbabwe

TWO critical lessons drawn from the recent debate on Zimbabwe in the British House...

Discover more from Celebrating Being Zimbabwean

Subscribe now to keep reading and get access to the full archive.

Continue reading