Isixwayiso lesi sitolikelwe nguPatience Rusare
Ungezwa kuthiwa kucatshangelwa ukuthi kuzabe kulesikhukhula kundawo ohlala kiyo, kuqakathekile ukuthi uhlele iqinga lokwehlisa umonakalo.
Okwenzakalayo yikuthi kanengi uyabe ungela lwazi lokuthi kuzakuba lesikhukhula.
Isikhukhula sandise ukuna yiloba kungela yezi kuthi kwesinye isikhathi imigelo ehambisa amanzi iyabe ivalekile.
Yikho kuqakathekile ukuthi uhlale ulungiselele yiloba izulu lingekela ukuna.
Ngesikhathi sokuna: Qakathekisa impilo yakho
Ungachaphi kungabe ngezinyawo kumbe ngemota endaweni ezilamanzi amanengi.
Yiloba amanzi emalutshwane ungalingi ngoba engabe elamandla kumbe kulamagodi ngaphansi kwamanzi.
Ungahambi emgceleni yemifula kumbe uchaphe amabhiliji ngoba kungenzeka ukuthi abhidhlike.
Qaphela ungathinti amanzi esikhukhula ngoba amanye ayabe esehlangane lamanzi angcolileyo ezambuzi.
Ungadlaleli duzane lentambo zogetsi ngoba kungenza ukuthi ziwele emanzini.
Lalele umumo womkhathi kungabe kusemsakazweni wethelevhizhini kumbe iwayilesi.
Hlala uhlelile iqinga ozalisebenzisa kungaba lesikhukhula
Yazisa omakhelwane bakho nxa bengakezwa ngesikhukhula lesi ikakhulu nxa begogekile kumbe sebeluphele
Amafoni ahlale elomlilo
Lungiselela ukucitsha ugetsi
Khulumisana labomthetho nxa kudingeka ukuthi lisuswe kuleyondawo
Lizaphila njani ngemva kwesikhukhula
Ngemva kwesikhukhula impahla yakho ingakhangeleka imoshakele, kodwa impahla enengi iyalungiseka.
Ungenza kuhle indlu yakho ebe igcwele amanzi kumbe isibhidlikile iyalungiseka masinya.
Ngizakulandisa ngaphansi okumele ukwenza kungaba lesikhukhula
Hlala lemuli yakho lindawonye. Ungekenzi lutho bona ukuthi umuntu wonke ukhona njalouphile kahle. Ezikhathi ezinje kuqakathekile ukuthi lihlale lindawonye.
Kuqakathekile njalo ukuthi linanzelele impilakahle ukuze lizivikele kumikuhlale ebangelwa ngamanzi.
Bona ukuthi liyaxoxisana njalo ukuthi akula okhatheleyo na
Bona ukuthi umuntu wonke uyalala okufaneleyo ngoba ukudinwa kungenza umuntu agule.
Zivikeleni libone ukuthi iskhukhula asiphazimisi impilakahle yenyu. Lihlale lihlanzekile.
Gezani izandla ngamanzi lesepha
Libe leqiniso ukuthi amanzi eliwanathayo kumbe elipheka ngawo ahlanzekile. Kanengi amanzi esikhukhula acina ehlangana lamanzi aphuma ezambuzini. Ngakho ke kuqakathekile ukuthi limelele abomthetho balazise ukuthi afanele na ukuthi asetshenziswe.
Ngesikhathi likhipha amanzi esikhukhula kungenzeka ukuthi lisebenzise imithi ethize. Qaphelani abantwana bengadlaleli duzane lemithi le.
Lizigcine lingasebenzi okuzenza libulawe yimhlane. Liqaphele njalo ukuthi amagcikwane agcwele indawo yonke
Kuthi abantwana, omama abazithweleyo labagulayo kumele bahlalele khatshana lendawo ezilesikhukhula baphenduke kuphela nxa konke sokulungile .
Ungasebenza endaweni ebelesikhukhula uyaphefumula imithi lamagcikwane amanengi angenza ugule.
Hlanza impahla yakho yonke. Eminye imikhuhlane ingabuya ngokwedlulisa kodaka, lobumanzi bempahla.
Kuqakathekile ukuthi udakwa lukhitshwe masinyane njalo kulula ukwenza lokhu nxa lusesemanzi.
Indaba le ithethwe kuThe Patriot yamhlaka Zibandlela 9-15 2015.